Jam 6 aku bangun lalu be Subuh, habis tu beudak2 hape ai sambil siap2. Jam 7an kami tulakan, ke kantor dulu Ina absen. Ada si Okta satpam untung ai inya pina kada pinandu lawan aku.
Kami makan nasi kuning habis tu. Ada lakian baju habang pina tipeku haha, maka inya kisah meambil tisu tuh di hadapanku. Tapi selalu ai sampai kayaitu ja. Kada pernah kaya di FTV tu nah berlanjut, kada sengaja ketemu lagi dan lagi.
Aku diantarkan Ina ke pal 6. Ada sudah taksi yang handak tulak tapi sisa bangku di belakang ja lagi. Maka muar banar paman makelar tuh pina mehulut2, mun handak dimuka duduk beasuh supir jar. Jar Ina aku kada tahan bemotor, lalu jar sidin bah ngalih am tuh napa jua jadi bemotor. Bujuran aku sangkal banar lawan pamannya tuh.
Akhirnya aku duduk di belakang ai. Alhamdulillah kada mauk pang, antimo loo antimo haha..
Paman dihigaku abut hape sidin kada mau, kupadahi ai cobai telpon ke lain kalo kada mau jua berarti hpnya, mun mau ja berarti masalah di orang yang di telponi.
Lakian dihigaku neh aku kada lihat muhanya kayapa, tapi inya tuh kada bawa apa2, kelihatan banar kada pentingnya haha… Coba misal be tas ransel kan kaya anak kuliahan atau urang begawi.
Pas melewati lianganggang motornya pina begoyang2, untung pamannya kawa mengepinggirakan. Sekalinya bannya miris.
Turunan ai penumpang nih kecuali lakian lawan paman di higaku.
Paman taksi yang lebih pantai dikiyau kai taksi karena sidin sudah tuha. Kai taksi nih abut handak ganti ban ditolongi ada seikung bapa2. Ada lakian yang bedua tuh di dalam motor ja. Sampe ada binian menagur ey buhan kam membarati ja, turun pang. Sekalinya turun ai be2 tuh. Eh malah langsung bebuat ke taksi lain kada bepadahan. Sebelumnya ada jua ibu2 dari samarinda kah tuh melarikan diri jua betaksi. Jadi be4 dah urangnya hilang naik taksi lain, kada bepadahan, kada bebayaran. Untung ai inya bemurah bayar taksi mulai lianganggang ja.
Kasian pamannya, coba pikirakan mun lagi dapat musibah sekalinya ditinggalakan urang. Padahal amun kada kawa menolongi, kawani barang, hadangi. Tapi kayaitu pang manusia, lain2 sifatnya.
Ini foto pas kai taksi handak ganti ban, tuh lakian kd beperasaan dalam taksi ja
Aku banyak ai bepandiran lawan penumpang yang lain, aku santai aja pang mehadangi, rami lagi bekenal2an. Penumpang yang binian tuh bawai ku memberi pamannya 15rb, aku oke aja pang, kasian pamannya.
Akhirnya kawa dah ban teganti. Imbah yang lakian bedua tadi turun, tenyaman ai pamannya mendongkrak, dasar kada pintar tuh, muar banar aku lawan lakian tuh.
Perjalanan dilanjutkan dan aku rasa cemas. Kayaitu terus aku nih. Mulai tepikir “kd jua ah musibah datang 2x”. Sudah kalo tadi kemirisan ban, jangan lagi ai terjadi yang lain. Tapi kenapa ada pepatah sudah jatuh tertimpa tangga. Berarti ada to orang yang dapat musibah beruntun.
Maka ibu2 dihigaku neh manderi kenapa jer pamannya jadi menyupir kayaitu, salah jer, harusnya jangan di gas terus, napa2 kah jar nya menjelaskan aku ja kada paham. Lalu kutakuni ai sidin bisa nyetir kah. Heeh jar. Ini handak meambil motor ke bengkel. Lalu model handak meyakinkanku tuh sidin menelpon lakinya bepadah sudah parak sampai handak ke bengkel dulu meambil mobil.
Rasa lucu ih, lucunya tuh apa smua skenario tadi tu sengaja sidin supaya bekoyo bisi motor. Haha kenapa aku buruk sangka. Tapi pas aja tu nah memanderkan kai taksi salah cara nyetirnya lalu bekisah inya handak meambil motor, tahu aaammm lahhh… serah inya aiii…
Aku turun di muka Jalan Batuah. Belanja dulu di SD bekajal lawan buhan kanakan. Ketemu Feti lawan anaknya lalu jr Feti ingat ja lah lawan aku?? Ingat ai jar ku, ganalnya sudah anak ikam aku belum kawin2. Tenang ja kena ada aja waktunya. Nya datang di saat yang tepat jar Feti. Bingung jua aku kenapa jadi curcol lawan Feti haha…
Ini nah foto kanakannya yang belanja haha
Lalu aku menelponi abah kada meangkat. Bejalan batis ai. Singgah pulang wadah mbak Sor nukar minuman dingin.
Sepanjang jalan banyak yang betakun datang mana. Muyak menjawabi haha… Akhirnya sampai jua ke rumah. Sekalinya kisahnya kada habis sampe sini. Rumahnya bekunci. Aku kededa bisi kuncinya.
Wadah acil uwai ai ambil, sekalinya acil uwai bekunci jua rumahnya, lagi ke pasar bisa sidin.
Jadi aku kaya gembel ai di pelataran makan belanjaan ku tadi. Pas sudah habisan, ku telponi ai acil uwai dan langsung meangkat. Lakasi ambil jer kunci acil uwainya handak ke pasar pulang. Untung ai aku nelponi pas waktunya. Jakatida lawasnya mehadangi cil uwai datang pasar pulang.
Masuk ke rumah dan istirahat. Ceritanya selesai.